Transcription
1
Monsieur, je viens davoyr adviz et de bon lieu, que
2
les huguenaulx ont entreprinse sus Crest, tant
3
à la ville que au chasteau et disent avoyr
4
grand inteligence audit chasteau. Au soyr, sus
5
les quatre heures après mydy, monsieur de Cons
6
passa à Bonières, luy dixiesme et le sergent
7
Fellix estoyt avecques luy et disent quil
8
alloyt fère baptizer ung filz à Gouvernet et
9
bien tost après, le Mas passa allant bien
10
viste, qui alloyt à Pontaux et ne voullust
11
passer à Guysans. Ilz menassent aussy fort
12
Estoille. Jey receu au jourdhuy des lettres de
13
Beaufort que me mande que madame la
14
mareschalle est ors de sa fiebvre et son
15
voyage de France rompu, de quoy elle est fort
16
ayse ; que sera la fin, après vous avoyr
17
supplié me commander votre vouloyr pour
18
icelluy toute ma vie accomplir daussy bon cueur
19
que me recommande très humblement à votre bonne
20
grace, priant Dieu,
21
monsieur, qui vous aye en sa garde. De votre maison de Montoyson,
22
ce IIIme de febvrier 1574
23
Votre très humble et aubeisant
24
servyteur
25
montoyson